Që nga viti 2005 Instituti për Studime Bashkëkohore i Universitetit “Dardania” boton rezultatet e hulumtuesve të tij në revistën shkencore “Dardania”.

“Fondi i botimeve shkencore” i themeluar së voni në Universitetin “Dardania” ka për qëllim t’u ndihmojë studiuesve dhe profesorëve të këtij institucioni dhe të institucioneve të tjera të arsimit të lartë në Kosovë të botojnë rezultatet e hulumtimeve të tyre si dhe t’u mundësojnë studentëve dhe publikut të gjerë të njoftohen me hulumtimet dhe veprimtarinë shkencore. Po ashtu mundësohen edhe përkthime të librave të domosdoshëm si dhe botime të fushave të ndryshme shkencore për t’u shfrytëzuar nga studentët kosovarë.

Moto e Universitetit “Dardania” është: studimet dhe hulumtimet cilësore janë rruga e vetme për institucionin tonë dhe për integrimin e plotë të Kosovës në familjen vendeve evropiane që kultivojnë vlerë dhe dije.