Katër studentë të Universitetit Dardania morrën pjesë në Forumin Evropian "Alpbach 2006" i cili u mbajt në Austri nga data 16 Gusht 2006 deri më 03 Shtator 2006. Në këtë forum morrën pjesë studentët e Universiteteve më të njohura Evropiane.

Privimi nga të drejtat e njeriut dhe ato kombëtare të shqiptarëve të Kosovës për shumë dekada, ndikoi qe studentët nga Evropa të përkrahnin Pavarësine e Kosovës, si dhe mosndarjen e Mitrovicës.
”Kosova duhet të gëzoje Pavarësine dhe të mos ketë ndarje të Mitrovicës”, ishte mesazhi i forumit evropian "Alpbach 2006" që u mbajt në Austri. Studentët kosovarë nga Universiteti Dardania, të cilët përfaqësuan Kosovën në këtë forum, paraqitën fakte para studentëve evropiane dhe atyre serb ,se pse Kosova duhet të fitojë Pavarësinë.

Agnesa Berisha studente e Fakultetit Juridik, tha se gjatë këtij forumi një ndër temat qëndrore ishte edhe e ardhmja e Kosovës. Sipas saj, ishte një interesim shumë I madhë i studentëve nga Evropa për Kosovën lidhur me çështjet rreth statusit dhe bashkëjetesës ndëretnike. Studentët serb në këtë forum u përpoqën ti japin kahje tjetër diskutimeve rreth Kosovës. Ata synonin të reflektonin mendimin s Kosova është territor i Sërbisë, i uzurpuar nga shqiptarët.

Me gjithë përpjekjet e tilla, Agnesa Berisha tha se deklaratat e serbëve hasën në kundërshtim nga ana e studentëve shqiptar, të cilët thanë se Kosova e meriton Pavaresinë, dhe se kurrë nuk ka qenë territor i Serbisë.

Sipas Laureta Matoshit, studente e Fakultetit Ekonomik në Universitetin Dardania, studentët Evropianë përkrahën Pavarësinë e Kosovës. Privimi nga të drejtat e njeriut dhe ato kombëtare të shqiptarëve të Kosovës për shumë dekada, ndikoi që studentët nga Evropa të përkrahnin Pavarësinë e Kosovës.

Sipas Matoshit në këtë forum studentët evropian u informuan edhe për resurset natyrore që ka Kosova.

Ndërsa Ariana Abazi, po ashtu studente e Ekonomikut, tha se në mesin e studentëve serb, kishte edhe të tillë që përkrahnin Pavarësinë e Kosovës, por nuk merrnin guximin ta shprehnin.

Në këtë forum studentëve përfaqësues iu dha mundësia të paraqesimnin problemin e Mitrovicës dhe të gjithë studentët pjesëmarrës u pajtuan që të mos ketë ndarje të saj.

Ndërsa, studentja Florentina Prekadinaj tha se ky debat i ka dhënë mundësi të mirë rinisë studentore të Kosovës që para rinisë Evropiane dhe personaliteteve politike botërore, të dëshmojmë se Kosova është e hapur edhe për integrimin e minoriteteve.

 Një ndër pikat më të debatuara ishte dhe çështja e rrënimit të objeteve fetare gjatë ngjarjeve të marsit. Mirpo meqë Qeveria e Kosovës nga buxheti i saj ka mbuluar të gjitha shpenzimet për renovimin e këtyre objekteve, pjesëmarrësit në këtë Forum u ndanë të kënaqur me këtë hap.

Në forumin Alpbach 2006, në nivel të institucioneve, Kosova u përfaqësua nga kryeministri Agim Çeku.