NGA LIGJËRATA E AMBASADORIT ANGLEZ Z.ANDY SPARKS

Më 16.05.2009 Ambasadori anglez në Kosovë, Z. Andy Sparks në ambientet e Universitetit Dardania mbajti ligjeratën me titull: “Sfidat e një diplomati dhe paraqitja e tij si lider në aspekte të ndryshme të karrierës diplomatike”.

Fillimisht z.Sparks u përqëndrua në sfidat me të cilat mund të ballafaqohet çdo diplomat në fillim të karrierës së tij diplomatike duke i dhënë një theks dhe vëmendje të veçantë përvojës të cilën e kishte fituar personalisht gjatë periudhës kur e ushtronte këtë post.

Gjatë kësaj ligjerate studentët kishin mundësinë që të kuptonin fare qartë ndërlidhjen e cila ekziston në mes të teorisë dhe praktikës për të qenë një lider i kompletuar në fusha të ndryshme.

Edhe pse ligjerata u zhvillua në gjuhën angleze nga ana e studentëve të Universitetit Dardania kishte shumë pyetje të cilat ju parashtruan ambasadorit anglez z. Sparks, i cili me shumë entuziazëm iu përgjigj dhe njëkohësisht dha edhe shumë shembuj të cilët lidheshin në njërën anë drejtëpërdrejt me natyrën e pyetjes, ndërsa në anën tjetër paraqisnin anën praktike të cilën z.Sparks e barte tek studentët e Universitetit Dardania.

Përpos studentëve të pranishëm në këtë ligjeratë ishin edhe shumë profesorë të cilët u ndien të nderuar  me ardhjen e Ambasadorit Andy Sparks, në Univetsitetin Dardania.

Të pranishmit mbeten të kënaqur dhe shfaqën shpresën se Universiteti Dardania do të vazhdoj edhe më tutje me organizimin e ligjeratave  të karakterit të njejtë duke u bazuar në formën dhe mënyren e transmetitmit të përvojës nga elita intelektuale tek studentët të cilët kanë vendosur që të ndjekin rrugën akademike-profesionale.